سرقة أعضاء أطفال الشوارع والأتجار بها

القصة بدأت عندما, أوردت صحيفة "البديل" اليومية على صفحتها الأولى
بالكامل محتوى شريط فيديو مصور قالت إنها حصلت عليه من أخصائيين في مشروع تحسين
حياة الأطفال الذين صوروه لصالح المجلس القومي للأمومة والطفولة بمصر يحكي فيه عدد
من الأطفال والمراهقين تجاربهم مع بيع أعضائهم لمافيا منظمة تتخذ من مستشفى قاهري
مقرا لتنفيذ عملياتها

ويظهر الفيديو طفلين بهما آثار جراحة خيطت ببشاعة وبإهمال في
مستشفيات كبيرة ونظيفة، علي حد وصف الطفل رامي 17 سنة، والذي قال:" من حوالي سنة جه
زميل لي اسمه إسلام وقال لي فيه مشوار حلو هاتكسب منه دهب حاتبيع كليتك وتمشي بعدها
عادي وتبقي أحسن من الأول".

وأضاف رامي أن زميله ذهب به إلي شخص اسمه «أبوسيد» في شارع 25 بشبرا
الخيمة وسأله عن سنه فأخبره رامي بأنه في الـ 21 من عمره وأضاف: «أبوسيد» ماصدقش
وماكنش معايا حاجة تثبت سني لأني مش معايا حتي بطاقة، بعدين أبوسيد قال إنه
حايجوزني ويعمل لي قسيمة زواج، وفعلا جاب واحدة منتقبة وجوزنا وهو اللي كتب قسيمة
الزواج وحط عليها صورتي وصورتها»

وواصل حديثه, قائلاً:" والله أنا لحد دلوقتي ماعرفش اسم اللي
اتجوزتها ولا حتي شكلها، بعدين «أبوسيد» قاللي إن قسيمة الزواج هاتتكلف 500 جنيه
وإني حادفعها من ثمن بيع كليتي وقال لي إن ثمنها 10 آلاف جنيه، بعدين عمل لي اشعات
كتيرة بمعهد كبير في الدقي عند كوبري الدقي بالظبط، وعمل تحاليل في عيادة صغيرة
قريبة من أمن الدولة، وفضلنا أسبوعين علي كده ومضّاني علي إيصالات أمانة بثمن
التحاليل مع إني ماقبضتش حاجة، لكنه كان خايف ما عملش العملية".

وتابع:" بعد الاسبوعين جه أبوسيد أخدني ورحنا مستشفي كبير ونظيف، مش
عارف اسمه، وعملت العملية وفضلت ثلاثة أيام في السرير علي ما بدأت أقدر أحرك جسمي
وجه بعدها أبوسيد اخدني وركّبني ميكروباص عشان أروح وإداني ثمن الكلية عشرة آلاف
جنيه واكتشفت أن نصفهم كانوا مزورين.

فلوس مزورة

أما محمد عبدالبديع وهو الطفل الثاني من ضحايا شبكة المتاجرة
بالأعضاء، والذي قضي نحو عامين من عمره في الشارع فبدأ كلامه قائلا: «أنا فوجئت
لما عرفت إن رامي باع كليته بس ما استغربتش لما قالي إنهم ضحكوا عليه واعطوا له
عشرة آلاف جنيه فقط، وإن حتي المبلغ اللي آخده كان نصه تقريبا مزور لإني عارف إنهم
شبكة نصابين كبار ولازم يعملوا كده.. بس رامي قدر يصرف الفلوس المزورة كلها
والسليمة لكن ضيعهم في حاجات مالهاش لازمة.

وأضاف:" أنا كنت شايف وعارف كل ده وزعقت كتير لرامي إنه عمل كده،
لكن في الفترة دي كان بيقعد معانا علي القهوة دايما عيل اسمه «القوطي»كنت أعرفه من
قبل كده بس مكنتش بتكلم معاه وبدأ يظهر كتير مع رامي بعد العملية، وبدأ القوطي
يقرب مني ويمشي معايا كتير ويوديني عند ناس شكلها غريب كده كانت أسماؤهم أشرف
وأبورامي وحسام، كانوا زي عصابة والأساس فيها كان أبورامي والقوطي، وبدأ القوطي
يقنعني إني أعمل العملية وأبيع كليتي وقال إنه هو كمان عملها ووراني مكان العملية
وقال إنه أخد عشرة آلاف جنيه وبني بيهم بيت، وفضل بعدها يزن علي أنا كمان إني أعمل
العملية وآخد الفلوس أعملّي بيهم مصلحة، ساعتها كان عمري حوالي 19 سنة

وتابع:" كانت مصلحة القوطي في إنه لما بيجيب حد جديد بياخد حوالي
ثلاثين جنيها ثمن مواصلاته وبعد ما العملية تتعمل والكلية تتباع ياخد حوالي ألفين
جنيه من السمسار وساعات بيتضحك عليه هو كمان، المهم إن القوطي أخدني وعملت الأشعات
في الدقي وعملت تحاليل تانية، بعدها بكام يوم اخدوني عملت العملية وادوني عشرة آلاف
جنيه ثم قام محمد وكشف عن مكان العملية ليظهر جرحا تم تخييطه بصورة وحشية ولم تجر
عليه أي عمليات تجميل أيضا.

ويضيف محمد, قائلا: «أنا عايز منهم بقية فلوسي، وعايزهم يبطلوا
الشغلانة دي وميدمروش حياة حد تاني، كفاية أنا ورامي وزمايلنا الأربعة التانيين،
ويا عالم مين تاني، أنا من ساعة ما عملت العملية وأنا تعبان قوي ومرجعتش عادي زي
الأول، كمان فيه عيال تانيين عايزين يعملوا العملية ويبيعوا كليتهم بس مش عارفين
يوصلوا للناس دي أنا نفسي يتقبض عليهم قبل ما يشتروا كلية حد تاني».

والنائب العام يأمر بالتحقيق في قضية سرقة أعضاء أطفال الشوارع بعد
بلاغ من محام حقوقي الأنسان وقد قدمت 20 منظمة وجمعية حقوقية قدمت بلاغات للنائب
العام حول القضية ، رئيس مركز حقوق الطفل يتقدم ببلاغ ضد العادلي والجبلي وأمين عام
المجلس القومي للأمومة والطفولة
وقد نشرت جريدة البديل وتحدث فيها 6 من الأطفال
عن تجاربهم بعد سرقة وبيع أعضائهم البشرية من قبل العصابة.

وقال زياد العليمي: سأقدم الـC.D الذي نشرته «البديل» كمستند رئيسي
في التحقيقات

وأضاف هلال أن المركز سيصدر بياناً مطولاً خاصاً بالقضية ومتابعتها
لتوزيعه علي المراكز والمنظمات الحقوقية والصحف.
وعبر رئيس مركز حقوق الطفل
المصري عن شعوره بالصدمة بعد قراءته ما نشرته «البديل» قائلا: «هو إيه اللي بقي
بيحصل في البلد دي؟!.. ما حدث في حق هؤلاء الأطفال جريمة أخلاقية وقانونية بكل
المقاييس».

وأضاف عبدالسلام بخيت في حديثه لـ«البديل» إن كلام الأطفال بخصوص
الأماكن التي تم إجراء الأشعات والتحاليل لهم فيها كان مبهماً وغامضاً، فلم
يستطيعوا تحديد أسماء تلك المراكز والعيادات، ربما بسبب خوفهم من التصريح بتلك
الأماكن خوفا من عقاب العصابة التي كان تسيطر عليهم في هذا الوقت، حيث إنه من
المعتاد أن تضغط عليهم العصابة كي لا يدلوا بتفاصيل أو أي معلومات دقيقة عن هذه
الأماكن،

وإن كان الأولاد قد أجمعوا علي أن المركز الذي أجري لهم الأشعة هو
مركز كبير بالدقي، أو علي حد وصف أحد الأطفال بأنه «أكبر مركز في الدقي»، وهو يقع
أمام كوبري الدقي مباشرة، أما المستشفي فقد اقتصروا في ذكره علي أنه كبير ونظيف
وواجهاته زجاجية ولكنهم لم يستطيعوا تحديد اسمه أو مكانه

وعن جريدة المساء ومتابعة لمافايا سرقة الأعضاء البشرية

وجهت وزارة الصحة ورجال مباحث مدينة نصر أول ضربة قاضية الي مافيا
الأعضاء البشرية بضبط مستشفي خيري بمدينة نصر قام بزراعة كلي الي "فلسطيني" واحتجز
مفتش الصحة الذي اكتشف الواقعة داخل المستشفي حتي تمكنت المباحث من انقاذه.

تلقي العميد علي الدمرداش مأمور قسم شرطة مدينة نصر أول اخطارا من
شرطة النجدة بتلقيها استغاثة تليفونية من الدكتور سعد مغربي المفتش بوزارة الصحة..
بأنه أثناء تواجده فجراً داخل المستشفي الخيري لمباشرة مهام عمله والتفتيش عليه..
اكتشف قيام المستشفي بمخالفة القانون واجراء جراحة زرع نقل كلي الي فلسطيني وقام
الأطباء والعاملون بالمستشفي باحتجازه داخل إحدي الغرف وتركوا المستشفي وفروا
هاربين.

وأيضا في

وفي العجوزة أيضاً 3 حالات نقل كلي من مصريين
لسعوديين
الأطباء فوجئوا بمفتش الصحة.. هربوا وتركوا المريضة تموت!
طبيبة
العمليات تنكرت في زي "ممرضة".. تم ضبطها وإحالتها للنيابة
الوزارة: إغلاق
المستشفي ونقل المرضي

تجري نيابة العجوزة تحقيقاتها مع "طبيبة" رئيس قسم أمراض
الكلي بمعهد أبحاث "تيودور بلهارس" بعد أن تم ضبطها داخل مستشفي طيبة الخاص
بالعجوزة منتحلة صفة "ممرضة" هرباً من المسئولية عندما داهم الدكتور سعيد توفيق
الشاذلي مدير عام إدارة العلاج الحر والتراخيص بمديرية الصحة بالجيزة المستشفي ووجد
3 حالات نقل كلي من مصريين إلي سعوديين تم نقلهم لمعهد ناصر لاستكمال العلاج.

كما أمرت النيابة بتسليم جثة المريضة السعودية دليلة إبراهيم عبدالكريم "57
سنة" والتي لقيت مصرعها داخل غرفة العناية المركزة بذات المستشفي نتيجة اصابتها
بجلطة بالرئة بعد هروب الاطباء والعاملين بالمستشفي عند مداهمة اللجنة للتفتيش إلي
سفارة السعودية.

مراجع

جريدة البديل

جريدة المساء